Preséntase a programación das festas do Entroido
Publicada o 8 de Febreiro de 2007 en Cultura
A Concellaría de Cultura informa do programa deste Entroido 2007:
- Venres 16 de febreiro: VENRES DO ENTROIDO ESCOLAR:
- Pasarrúas organizado polos centros escolares CEIP “Unión Mugardesa”, Colexio “Loyola”, IES de Mugardos e ANPAS.
- 10:30 horas: saída desde o Colexio “Loyola”, pasando polo CEIP “Unión Mugardesa”, Apelón até o peirao, rematando no pavillón municipal, onde haberá unha gran festa de disfraces cun grupo de animación.
- Luns 19 de febreiro: LUNS LACOEIRO
- Hora: 20:00.
- Lugar: Carpa da Praza do Mercado.
Vén disfrazado e poderás participar no sorteo dunhas magníficas cestas con produtos típicos de tempada. Sortearanse catro cestas con lacón, grelos e produtos típicos. Dúas cestas para grupos e dúas para disfraces individuais. Para participar no sorteo é indispensábel acudir con disfrace. Na carpa haberá sesión de luces e discoteca para animar a festa. - Reparto de orellas na carpa.
- Martes 20 de febreiro: MARTES DOS PÍCAROS E PÍCARAS
- Hora: a partir das 18:00.
- Lugar: Carpa da Praza do Mercado.
- Música e desfile de disfraces; bailes e coreografías; obradoiros de maquillaxe e globoflexia; globos, caramelos, auga e zumes.
- Mércores 21 de febreiro: ENTERRO DA SARDIÑA
- Hora: 19:00.
- Lugar: Carpa da Praza do Mercado.
- Concentración na Praza do Mercado para rematar a festa. Queimarase o entroido e farase unha queimada acompañada dun conxuro, que nos fará despedir as celebracións cunha nota de humor.
