Publicada o Mércores 11 de Xuño de 2008 en Deportes
Trátase da décima edición da ruta intermunicipal de sendeirismo, o domingo 15 de xuño, de 25 km de percorrido, de dificultade baixa, con saída e chegada nesta ocasión ao Pavillón Deportivo Municipal do Cristo, ao remate terá lugar un pincho e entregarase un agasallo para os participantes. Haberá avituallamentos en ruta, ademais de guías en todo o percorrido. Esta actividade atópase dentro do programa Por terra mar e aire. A hora de saída é ás 9:30 h. e está dirixida a maiores de 12 anos con permiso de pais/nais/titores.
Observacións: Botas de montaña ou calzado forte, chuvasqueiro, mochila pequena.
Nº prazas e inscrición: 100 prazas. Prezo da inscrición 6 €. Até as 13 h. do venres 13 de xuño nas OMIX de Ares e Mugardos. Sempre e cando haxa prazas poderán inscribirse o mesmo día da ruta cun incremento de 2 € no prezo estabelecido.
Dirixe a actividade a Agrupación de Montaña i Escalada Bestarruza de Mugardos.
INFORMACIÓN E INSCRICIÓNS:- No Concello de Ares ( Alianza): teléfono 981448057.
- No Concello de Mugardos: teléfono 981470338. Ext.3
