Apróbase o saneamento do Camiño do Francés-Rilo
Publicada o 8 de Outubro de 2006 en Obras
A Concellaría de Obras comunica que no Pleno celebrado o pasado 6 de outubro aprobouse unha modificación de crédito para habilitar unha partida orzamentaria de 42.128,95 €, con cargo ao remanente de tesouraría do ano 2006, destinada a ampliar a rede de saneamento de augas fecais ao tramo de Rilo do Camiño do Francés.
Esta actuación, que ten un prazo de execución de tres meses unha vez licitada a obra, prevé a construción de 495 metros de encanamento de PVC e 14 pozos de rexistro, así como acometidas para nove vivendas.
