O Concello organiza no IES obradoiros contra a violencia sexista
Publicada o 6 de Novembro de 2006 en Muller, Asuntos Sociais
A Concellaría de Asuntos Sociais, Muller e Sanidade comunica que o día 7 de novembro comeza o programa “PREMUVI: Un tentáculo para previr a violencia”, por sexto ano consecutivo, no Instituto de Educación Secundaria de Mugardos. Os obradoiros, que se desenvolverán todos os martes durante o mes de novembro e os martes 12 e 19 de decembro, son os seguintes:
- Resolución de conflitos en 1º da ESO.
- Prevención da violencia en 2º da ESO.
- Educación afectivo-sexual en 3º da ESO.
- Prevención das drogodependencias en 4º da ESO.
O programa terá unha duración de 6 sesións de 2 horas cada unha, un total de 12 horas por cada curso, e afecta a 115 rapaces e rapazas.
