Publicada o Xoves 9 de Novembro de 2006 en Emprego
A Concellaría de Emprego comunica que, a través da Axencia de Desenvolvemento Local, vai levar a cabo unha serie de cursos de formación no último trimestre do ano, abertos a calquera persoa empadroada no Concello de Mugardos (desempregados ou activos).
O curso de “FOLLA DE CÁLCULO. NIVEL MEDIO” comezará a partir de finais de novembro, abríndose o prazo de inscrición este día 9 até o 23 de novembro.
Poderanse inscribir no mesmo aquelas persoas empadroadas no Concello de Mugardos que xa teñan un coñecemento básico de informática. As inscricións realizaranse na Axencia de Desenvolvemento Local (teléfono: 981 470 338 extensión 8).
Estes cursos realizaranse en horario de tarde no Centro de Formación Francisco Vizoso de Franza.
