Publicada o Venres 10 de Novembro de 2006 en Muller
O 25 de novembro de 1981, foi declarado, por parte do movemento feminista, o Día Internacional contra a Violencia cara ás Mulleres. Tiveron que pasar oito anos até que, en 1999, as Nacións Unidas aprobaran oficialmente a proposta. Na actualidade, o rexeitamento cara as diferentes manifestacións de violencia machista, que noutra hora foran lexitimadas, non deixa de medrar. Cada vez somos máis as institucións e as persoas dispostas a poñer os medios necesarios para rematar coa desigualdade e a misoxinia que, no que vai de ano, ten rematado coa vida de tres mulleres galegas e de 81 no Estado español.
Como expresión do noso compromiso a prol da igualdade entre homes e mulleres, o Concello de Mugardos convídavos a participar nas seguintes actividades:
- Exposición fotográfica As Mulleres do Mundo Cara a Cara: unha mirada sobre a saúde e os dereitos sexuais e reprodutivos. Federación de Planificación Familiar. Do 15 ao 30 de novembro, na sala de exposicións situada no baixo do Concello, na Casa da Cultura e no centro de saúde mugardés.
- Contacontos Contacontos da Igualdade. O 21 de novembro ás 12:10, no CEIP Santiago Apóstolo de Franza.
- Seminario de formación para o profesorado sobre a prevención da violencia de xénero desde as aulas. IES Mugardos.
